Японд бүх цаг үеийн хамгийн халуун долоо хоногууд давтагдаж, ургацад ихээхэн хохирол учруулж сүүлийн саруудад ургалт бууралттай хэмжээнд байна. Японы тэнча навчны дөрөвний нэгийг тарьдаг Киото бүс нутагт халуун цаг агаарын улмаас ургац муудсан ч эрэлт нэмэгдсээр байна.

Тус матча нь зах зээлийг тэлэх гол хөдөлгөгч хүч болж байна. Матча нь зөвхөн хязгаарлагдмал цайны бүтээгдэхүүн бус олон төрлийн элементийг агуулсан бүтээгдэхүүн болсон юм. Үйлдвэрлэгчид матча агуулсан амттаны бүтээгдэхүүн, матча суурьтай арьс арчилгааны бүтээгдэхүүн зэрэг шинэ санаачилсан бүтээгдэхүүн хөгжүүлснээр матчаны хүртээмж нь өмнөх онуудаас нэмэгдсэн байна.

Матча хэрэглэгчдийн галзуурал дэлхий даяар хомсдол үүсгэх магадлалтай байна. Дэлхийд матчаны эрэлтийг өсгөж байгаа нэг тал нь сошиал медиа хөтөлж байгаа олон дагагчтай инфльюнсерүүд, одууд эрүүл амттай гэх өнцгийг харуулж байна.

Өмнөх онд Японы томоохон матча үйлдвэрлэгч компаниудын нэг Aiya Co нь PepsiCo-тай стратегийн түншлэл байгуулж, түүний шинэ ашигтай ундааны шугамд зориулан матча нийлүүлэхээр болов. Үүний зорилго нь 2026 он гэхэд 500 сая ам.долларын борлуулалтыг нэмэгдүүлэхэд чиглэжээ. Энэ нь Aiya компанийн 2023 оны жилийн борлуулалт 15 хувиар өссөн амжилтын дараах алхам бөгөөд голлон Хойд Америк, Европын эрэлтээс үүдэлтэй байна.

Энэхүү гэрээ нь Aiya-ийн патентлагдсан бага температурын тээрэмдэх технологийг ашиглан антиоксидантуудыг хадгалах боломжийг олгож, PepsiCo нь Aiya-ийн Nishio фермээс 100 хувь байгалийн гаралтай матча худалдан авах амлалт өгсөн байна. Тус компаниудын хамтын ажиллагааны зорилго нь дэлхийн RTD (Ready-to-Drink) матча зах зээлийн 20 хувийг эзлэх бөгөөд PepsiCo-ийн 2030 он гэхэд ундааны хувийг эрүүл мэндэд ээлтэй найрлагаас бүрдүүлэх гэсэн стратегитай нийцэж байна.

Эх сурвалж: Stellar Market Research

Ц.Анужин