Ерөнхий сайд Г.Занданшатар Хууль зүй, дотоод хэргийн яамны Төрийн нарийн бичгийн дарга Н.Мягмар, Цагдаагийн ерөнхий газрын дарга Т.Сүхболд нартай уулзлаа. Энэ үеэр Ерөнхий сайд Г.Занданшатар "Хил, гаалийн хяналт, гүйцэтгэх тусгай ажиллагааг өргөжүүлэхэд ХЗДХЯ, ГХЯ анхаарч ажилла" гэлээ. Тодруулбал, улсын хилээр хар тамхи, мансууруулах болон сэтгэцэд нөлөөт бодисыг хууль бусаар нэвтрүүлэхийг таслан зогсооход гадны улсууд, олон улсын байгууллагуудтай хамтран ажиллахыг Ерөнхий сайд чиглэл болгосон юм.
