Монголын Банкны холбооноос “Банкны салбарын 2025 оны эхний хагас жилийн тойм" судалгааг танилцууллаа. Энэ оны хагас жилийн байдлаар банкны салбарт бизнесийн зээлийг өндөр хэмжээгээр олгох байдлаар эдийн засгийн салбаруудыг дэмжсэн байна.

Бизнесийн салбаруудад шинээр олгогдсон зээл энэ оны эхний хагас жилийн байдлаар 19 хувиар өсжээ. Тодруулбал, барилга, боловсрол, худалдаа үйлчилгээ, уул уурхай зэрэг бүх салбарт зээлийн өсөлт өндөр байгаа юм. Үүнийг дагаад бизнесүүдийн чанаргүй зээл буурч 5 хувьд хүржээ.