Хотын дарга Х.Нямбаатар нийслэлд явган замын ажил гүйцэтгэж буй компаниудад шүүмжлэлтэй хандав. Тэрбээр "Энэ жил гол гудам замуудынхаа явган хүнийг нэг мөр шинэчлээд дуусгая гэдэг байдлаар ажил эхлүүлсэн. Ажил авсан зарим аж ахуйн нэгжүүд ажлыг үнэхээр оромдож байна. Манайхны хэлдэгчлэн цүнхний компаниудыг цаашид тендерт оролцуулахгүй байх, хар жагсаалтад орох ажлыг хийхгүй бол хотын ажил амьдралыг талаар нэг болгоод байна. Даахгүй нохой булуу цуглуулна гэдэг шиг ажлаа хийж чадахгүй байж хуулж хаяад олон хоногоор хучихгүй орхичих юм. Энэ мэт алдаа дутагдалтай байгаа аж ахуйн нэгжүүдийн гэрээг цуцална. Баруун дөрвөн замын ажлыг ямар хорлон сүйтгэгч нь хийгээд байна аа. Миний мэдэхээр 6 сараас хойш янзалсангүй " гэлээ.