Тулгар төрийн 2234 жил, Их Монгол Улсын 819 жил, Ардын хувьсгалын 104 жил, Ардчилсан хувьсгалын 35 жилийн ойн Үндэсний их баяр наадмаар зургаа давж, шинээр Улсын харцага цол хүртсэн О.Наранбаатарын цолны мялаалга наадам Өвөрхангай аймгийн Хархорин суманд боллоо.
Түүний бахдам амжилтыг Өвөрхангай аймгийн Нутгийн зөвлөлөөс "Ланд-300" автомашинаар мялаасан бол "Алтан жолоо" группээс 300 сая төгрөгөөр шагнасан байна.
Улсын харцага О.Наранбаатар нь баяр наадмын бөхийн барилдааны тавын даваанд Улсын аварга О.Хангай, зургаагийн даваанд Улсын гарди Ө.Бат-Орших нарыг тус тус давсан бол долоогийн даваанд Дархан аварга Н.Батсуурьд өвдөг шороодсон юм.
