Хуульч О.Батхүү цахим хуудаснаа "Хассуурийн Ганхуяг тэргүүтэй найман гишүүн хувь хүний орлогоос 20 хүртэл хувийн татвар авах хуулийн төсөл санаачилсан байна" гэж мэдэгдсэн.

Тэгвэл хууль санаачлагч УИХ-ын гишүүн Х.Ганхуяг хариу тайлбар хийж "Одоо байгаа татварын хуулиар 10/20 хувийн шатлалтай байгаа. Татварын хуулиа нэг хар даа. 0/10/12/14/16/18/20 хувийн шатлалтай болж, илүү хөнгөлөлттэй болж байгаа. Ингэж худал ярьж тодормоор санагддаг юм уу" гэжээ.

Мөн тэрбээр "Одоогийн байгаа татварын хуулиар та 3 сая төгрөгийн цалингаас 300 мянгын татвар төлж байгаа. Нэмэлт өөрчлөлт батлагдвал 220 мянга болж буурна. 10 саяын орлоготой иргэн сард 20 хувь буюу 2 сая төгрөгийг татварт өгч байгаа. Нэмэлт өөрчлөлт батлагдвал 920 мянгыг төлнө" гэлээ.