Өмнөговь аймгийн Цогт-Овоо сумын харъяат, МУСГЗ Пүрэвдаваагийн Байгалжав МУ-ын Ерөнхийлөгчийн зарлигаар Хөдөлмөрийн баатар цол тэмдгээр шагнагдахаар болжээ. Өмнөговь аймгаас улсын бүртгэлд бүртгэлтэй "Соёлын биет бус өвлөн уламжлагч" 8 байдгийн нэг нь МУСГЗ Пүрэвдаваагийн Байгалжав бөгөөд үндэсний хөгжмийн зэмсгийг урлаж, дэлхийд таниулж байгаа говь нутгийн бахархалт хүмүүн билээ. Тэрээр 16 настайдаа анхны хуураа урлаж, 1991 оноос "Эгшиглэн" хувиараа эрхлэх аж ахуйгаа нээж, төрөл бүрийн хөгжмийн зэмсэг урлаж эхэлсэн бөгөөд үйл ажиллагаа нь улам бүр өргөжин "Эгшиглэн Мангай" ХХК байгуулж, эдүгээ хэдэн мянгаар хэмжигдэх гайхамшигт хөгжмүүдийг урлан бүтээсэн соёлын нэрт зүтгэлтэн юм. Монголын томоохон театруудын төдийгүй, "The Hu”хамтлагийн хөгжмийг урласан билээ.