Зам засварын ажлууд үргэлжилж байна. Тухайлбал өнөө орой 22.00 цагаас тодорхой байршлуудад зам хааж, засварын ажил эхлүүлэх гэж байгаа талаар НЗХГ-аас мэдээллээ.

-Баянзүрх дүүргийн 26-р хороо, Дүнжингарав худалдааны төвийн уулзвараас 133 дугаар сургууль хүртэлх авто замын зорчих хэсгийн урд эгнээг зургаадугаар сарын 22-ны 22:00 цагаас 24-ний 06:00 цагийн хооронд хааж, авто замын зорчих хэсгийн өнгө асфальтбетон хучилт, тэмдэглэгээний ажлыг хийнэ.

-Энхтайваны өргөн чөлөөний авто замын шинэчлэлийн ажлын хүрээнд 10 дугаар хорооллоос 25 дугаар эмийн сангийн уулзвар хүртэлх авто замыг зургаадугаар сарын 22-ны 22:00 цагаас 24-ний 06:00 цаг хүртэл хаана.

Харин засварын ажил нь үргэлжилж буй ГХЯ-ны уулзвараас Багшийн дээдийн уулзвар хүртэлх замыг маргааш өглөө 06.00 цагт нээх аж.