НӨАТ-ын урамшууллын системийн 2019 оны сүүлчийн сугалааны тохирол өчигдөр, нэгдүгээр сарын 19-нд “Боловсрол суваг" телевизээр орон даяар шууд явагдлаа. 

Энэ удаагийн тохирлоор 2019 оны 12 дугаар сарын 1-нээс 31-ний өдөр хүртэл худалдан авалт хийж, 2020 оны нэгдүгээр сарын 18-ний 23 цаг 59 минутаас өмнө цахим татварын системд бүртгүүлсэн 29.340.384 баримт  хамрагдсанаас: 

• 10 сая төгрөгийн 6,
• 5 сая төгрөгийн 25,
• 1 сая  төгрөгийн 232,
• 100 мянган төгрөгийн 2667,
• 30 мянган төгрөгийн  26378 баримт тохиролд таарч, нийт 29.308 иргэн азтан боллоо.

Энэ удаагийн 60 сая төгрөгийн супер азтан тодорсонгүй. Супер сугалааны дугаар 40218344 байв.