УИХ-ын чуулганы үдээс хойшх хуралдаанаар Монгол Улс дахь хүний эрх, эрх чөлөөний байдлын талаарх 24 дэх илтгэлийг сонсож байна. Хуралдааны эхэнд УИХ-ын дарга Д.Амарбаясгалан АН-ын гишүүд орж ирэхгүй байгаад бухимдаж "Хэрвээ асуудал байгаа бол хамтарсан ЗГ байгуулахаар гарын үсэг зурсан НАМЫН УДИРДЛАГУУД, ЕНБД нар, бүлгийн дарга нар асуудлаа ярьцгаа. Ийм байдалтай байгаа бол УИХ ч гэсэн өөр АРГА ХЭМЖЭЭ авч болно.

Хэндээ ЭРХЛЭЭД байгаа юм. Ард түмэнд эрхэлнэ гэж байхгүй. Ард иргэдийн аж амьдрал тийм сайхан байна гэж бодож байна уу. Ард иргэдийн амьдралыг яаж сайжруулж, орлогыг нэмэгдүүлэх асуудлаар хэрэлдээд сууж байх ёстой. Гэтэл шалихгүй асуудлын төлөө БОЙКОТ хийгээд сууж байна" гэсэн юм.