НИТХ-ын ээлжит бус V хуралдаанаар метроны асуудлыг хэлэлцэж байна.

Энэ үеэр НИТХ-ын төлөөлөгч Б.Эрдэнэсүх "Төлөөлөгч нарын ирц яагаад ийм хангалтгүй байна вэ. Дарга болох болохоороо энүүгээр гүйлдээд овоороод байдаг юм байна лээ. Нийслэлийн өмнө тулгамдсан асуудлыг ярих болохоор хуралдаа суудаггүй. Байнга суудаг хэд нь л суух юм. Метроны асуудлыг танилцуулж байна. Нийслэлчүүд метротой болохыг хүсэж байгаа. Гэхдээ метротой болно гэдэг үлгэрийг олон жил сонссоор одоо бараг залхах шат руугаа орж байгаа. Яг хэдэн онд нийслэлчүүд метрогоор зорчих вэ" гэж асуув.

Түүний асуултад Улаанбаатар метро төслийн захирал Т.Мөнхдалай "Одоогийн ТЭЗҮ-ийн төлөвлөгөөний дагуу 2030 оны аравдугаар сард ашиглалтад орно" гэж хариулав.