Бөөрөлжүүтийн цахилгаан станц хариуцсан захирал Б.Амармэнд эрчим хүч нийлүүлэлтийн талаар мэдээлэл өглөө. Тэрбээр "Бөөрөлжүүтийн станц Диспетчерийн үндэсний төвөөс өгсөн горим, төлөвлөгөөний дагуу цахилгаан эрчим хүчний захиалгыг тасралтгүй, 100 хувь биелүүлэн төвийн бүсийн нэгдсэн системд нийлүүлж байна. Сүүлийн өдрүүдийн байдлаар хоногт дунджаар 130 МВт орчим чадлыг нийлүүлж байгаа бөгөөд хоёрдугаар сарын нийт захиалгыг 100 хувь биелүүлсэн. Мөн хэрэгцээ гарвал чадлыг нэмэгдүүлэх ч боломжтой" гэв.