Монгол Улсын Их Хурал, Европын Парламентын бүлэг хоорондын 17 дугаар зөвлөлдөх уулзалт амжилттай боллоо. Европын холбоотой дараах асуудлаар хамтын ажиллагааг өргөжүүлэх боломжтой гэж үзжээ. Үүнд:

• Европын Холбоотой “Виз олгох нөхцөлийг хөнгөвчлөх тухай хэлэлцээр” байгуулах,

• Монголын газар зүйн заалттай бараа бүтээгдэхүүний тоо хэмжээг нэмэгдүүлэх /ноос ноолуур, тэмээний ноос, сарлагийн хөөвөр гэх мэт/

• Манай улсын тоон гарын үсгийг Европын Холбооны гишүүн орнуудад хүлээн зөвшөөрүүлэх асуудлаар хамтын ажиллагааг эхлүүлэх,

• Сэргээгдэх эрчим хүчний чиглэлээр хийгдэх хөрөнгө оруулалт, санхүүжилтэд дэмжлэг үзүүлэх зэрэг олон чухал асуудлууд хөндөгдлөө.