XVII жарны "Элдэв эрдэнэт" хэмээх модон могой жилийн сар шинийн баярыг тохиолдуулан Ерөнхийлөгч У.Хүрэлсүх зарлиг гарган, салбар бүрдээ манлайлсан хүмүүст Төрийн дээд шагнал, одон, медаль гардууллаа. Энэ үеэр УДЭТ-ын жүжигчин Ж.Оюундарь Монгол Улсын Ардын жүжигчин цол хүртсэн юм. Тэрбээр сэтгэгдлээ хуваалцахдаа,

"Ардын жүжигчин боллоо" гэхэд "ААВЫНХАА НЭРИЙГ ТӨРИЙН ОРДОНД ХОЁР УДАА ДУУДУУЛЖ БАЙНА ДАА" гэж бодсон. Драмын агуу их урлагт 40 гаруй жил ажилласан хөдөлмөрөө үнэлүүлж буйдаа үнэхээр их баяртай байна" гэлээ.