"Хуулиас давсан журмыг цэгцэлж, төрийн хүнд суртлыг арилгана" гэж ЗГХЭГ-ын дарга Н.Учрал мэдэгдсэн. Энэ хүрээнд эхнээс нь зарим журмыг цэгцэлж хүчингүй болгож эхлээд байна.

Тодруулбал, Хүнс, хөдөө аж ахуйн сайдын баталсан Таримал ургамлын үр үйлдвэрлэх аж ахуйн үйл ажиллагааны тусгай зөвшөөрөл олгоход бүрдүүлэх баримт бичгийн жагсаалт хүчингүй болжээ. Энэ талаар ЗГХЭГ-ын дарга Н.Учрал өнөөдөр мэдээлэхдээ "Таримал ургамлын үр, сортын тухай хуульд зааснаас гадна журмаар тусгай зөвшөөрөл олгоход 32 төрлийн баримт бичиг шаарддаг байдал ариллаа" гэжээ.