Монголын сагсан бөмбөгийн холбоонд Олон улсын сагсан бөмбөгийн холбоо буюу FIBA /ФИБА/-гаас анхааруулга иржээ. Учир нь өнгөрсөн оны арваннэгдүгээр сард болсон Хятадын шигшээ багийн тоглолтын үеэр үзэгч талбай руу усны сав шидсэн явдал гарсан нь дахин давтагдвал Монголдоо шигшээ багийн тоглолт хүлээж авах эрхгүй болохыг МСБХ-ны ерөнхий нарийн бичгийн дарга С.Төгсжаргал цахим хуудастаа мэдээлэхдээ "Үзэгч, дэмжигч та бүхнийг маргааш болох Японы шигшээ багийн тоглолт дээр багаа соёлтой дэмжихийг хүсч уриалж байна. UG Arena-гийн камерын систем сайн шүү. Монголын багаа эсэргүүцэж хорлох хүн байхгүй байлгүй дээ" гэжээ.