УИХ-ын гишүүн Ч.Лодойсамбуу Ерөнхий сайд Л.Оюун-Эрдэнийг огцруулах албан бичиг боловсруулж, УИХ-ын гишүүдээс гарын үсэг цугуулж эхэлсэн талаараа хоёрдугаар сарын 7-нд мэдээлсэн. Өнөөдрийн байдлаар Ерөнхий сайдыг огцруулах бичигт УИХ-ын гишүүн Ж.Баярмаа, Ш.Бямбасүрэн нар гарын үсэг зураад буй.

Тэгвэл УИХ-ын гишүүн Ч.Лодойсамбуу "Гэрийн хаягийг минь зарлалаа. Байр түрээсэлсэн биш эздийнх нь хамсаатан болгох гэж чичирлээ. Ичээд ум хумгүй нүүж байна гээд л цуурлаа. Хаа хамаагүй хүнээр хадам аав ч хийж үзүүллээ. Тоохгүй ээ. Худал хуурмагтай нь зууралдах сонирхол алга. Ингэлээ гээд гол нь Л.Оюун-Эрдэнэ та сайн Ерөнхий сайд болчихгүй. Муу гэлээ гээд та нар шиг элдвээр гүтгэж доромжлох ч үгүй. Зургаан жилийнх нь ажлын үзүүлэлт хэлээд өгнө. Самбараа тавьж байгаад яриад өгөмз" гэж жиргэжээ.

Тэрбээр өмнө нь "Сонгуулиар Л.Оюун-Эрдэнэ яг ингээд бүтэн багаараа над руу дайрч байсан. Гэсэн ч 40 мянган хүн намайг дэмжиж томилсон. Хүмүүс тэнэг биш. Миний мундагт биш Оюукын мууд өгсөн дүн. Дуустал нь явна" гэж бичиж байв.