Үндэсний статистикийн хорооны нэгдүгээр сарын урьдчилсан гүйцэтгэлээр импорт 5.1 хувиар буюу 51.9 сая ам.доллароор буурчээ. Харин өмнөх оны мөн үеэс 38.6 сая ам.доллар буюу 4.1 хувиар өссөн дүнтэй байна. Тодруулбал, импорт 973.2 сая ам.долларт хүрсэн бол өмнөх оны мөн үед 934.5 сая ам.доллар байв.
Манай улсын хувьд нийт импортын дийлэнх нь Хятадаас хамааралтай. Саван, воканаас авхуулаад хувцас, бөс бараа зэрэг ахуйн хэрэглээг урд хөршөөс худалдан авч буй. Энэ утгаараа нийт импортын 32.8 хувийг тус улс эзэлж байгаа бол ОХУ 26.5, Япон 14.5, АНУ 7.2 хувийг тус тус эзэлж байна. Харин ХБНГУ 3.8 , БНСУ 3.1 буюу импортын хамгийн бага хувийг эзэлж байна.
