Засгийн газрын өнгөрсөн долоо хоногийн хуралдаанаар хаврын морин уралдааныг хориглосон 57 дугаар тогтоолд өөрчлөлт оруулж гуравдугаар сарын 1-ний өдрөөс хойш хаврын морин уралдаан зохион байгуулах эрхийг нь тухайн аймаг, орон нутгийн удирдлагад нь өгөхөөр болсон. Тэгвэл уг тогтоол эцэслэгдээгүй талаар Шадар сайд С.Амарсайхан мэдээлэв.

Тэрбээр:

-Хаврын уралдаантай холбоотой асуудлаар өнгөрсөн долоо хоногт Засгийн газар шийдвэрээ гаргаж байр сууриа илэрхийлсэн. Хүүхдийн эрүүл мэнд, амь насны аюулгүй байдал нэн тэргүүнд байгаа. Өмнө нь гарсан шүүхийн шийдвэрт хүндэтгэлгүй хандаж эсвэл үгүйсгэсэн асуудал Засгийн газарт байхгүй. Тогтоол шийдвэрийн хэрэгжилтийг хангуулахын тулд аймаг орон нутагт эрхийг нь шилжүүлж хэрэгжилтийг эзэнжүүлж, хариуцлагатай болгож эргээд хуулийн нугалаа гарахгүй байх тал дээр анхаарч дээрх шийдвэрийг гаргасан.

Өнөөдрийн байдлаар тогтоол эцэслэгдээгүй байна.