ХӨСҮТ-өөс томуу ба томуу төст өвчний нөхцөл байдлын талаар мэдээлэл өглөө. Энэ үеэр, ХӨСҮТ-ийн Эмнэлгийн тусламж үйлчилгээ эрхэлсэн дэд захирал Б.Саруул, "Улсын хэмжээнд томуу, томуу төст өвчний дэгдэлт алаг цоог хэмжээнд байна. Тодруулбал, Улаанбаатар хот болон 17 аймагт алаг цоог дэгдэлттэй байна. Тус өвчнөөр өвчилж байгаа хүмүүсийн 68.8 хувийг бага насны хүүхэд эзэлж байгаа. Хичээл сургууль эхэлсэнтэй холбоотойгоор, Улаанбаатарт томуу, томуу төст өвчний дэгдэлт нэмэгдэх хандлагатай байна" гэлээ.
