Татварын багц хууль”-ийн шинэчлэлийн хүрээнд “Нэмэгдсэн өртгийн албан татвар/НӨАТ/" сэдэвт хэлэлцүүлэг болж байна.

МҮХАҮТ-ын Ерөнхийлөгч асан Б.Лхагважав: НӨАТ-ын систем бол Монголчуудын нээсэн нээлт. 2015 онд НӨАТ-ын 20 хувийг буцааж олгосон. Энэ бол дэлхийд хийсэн нээлт. Сүүлийн 10 жил НӨАТ-ын орлогоос бусад орлого дандаа давж биелж байгаа. Гажуудал нь хаана байна гэхээр 2015 онд Татварын ерөнхий хуульд ААНОАТ, ХХОАТ-ын хуулиуд зэрэг батлагдаж чадаагүй юм. Гэтэл бусад хуулиуд нь 2020 оноос эхэлсэн. Хуулиудын цагалбарын зөрүүтэй байдлаас болоод өнөөдөр 9 жилийн дараа татвар төлөгч бид төсвийн орлого бүрдүүлж өгч байгаа боловч голоос нь процессын том алдаа бий болчихсон юм. Өнөөдрийн хуулийн шинэчлэл ийшээ харах ёстой. Дээр нь өршөөлийн хууль ч гарах ёстой. Мөн хуулийн өөрчлөлтийн хүрээнд Татварын ерөнхий хууль орж ирээгүй тохиолдолд өнөөдрийн ярьж байгаа зүйлс бүгд худлаа болно.