Аж үйлдвэр, эрдэс баялгийн сайд Ц.Туваанаас цаг үеийн асуудлаар тодрууллаа. Тодруулбал сүүлийн өдрүүдэд Цөмийн энергийн агентлаг байгуулах талаар яригдаж эхэлсэн юм.

Тэрбээр хэлэхдээ "Цөмийн энергийн агентлагийг УУХҮЯ-ны харьяанд сэргээн байгуулах асуудал ЗГ-аар яригдсан. Өмнөх агентлагт ажиллаж байсан хүмүүсээс ажлын хэсэгт орсон. УИХ Засгийн газрын бүтцийн бүдүүвч хөтөлбөрт агентлагийг оруулж өгвөл орон тоо тодорхой болно. Одоогоор цөмийн энергийн комисс байгуулагдаад ажиллаж байна. Үүнд татан буулгасан агентлагт ажиллаж байсан хүмүүс комиссын бүрэлдэхүүнд орж ажиллаж байгаа" гэлээ.