Улсын Их Хурлын Эдийн засгийн байнгын хороо Санхүүгийн зохицуулах хорооны дарга, зарим гишүүдийг томилох, чөлөөлөх асуудлыг хэлэлцсэн тухай таницуулгыг Байнгын хорооны дарга Р.Сэддорж УИХ-ын чуулганы хуралдаанд танилцууллаа.

Тодруулбал, ЭЗБХ-ны хуралдаанаар Санхүүгийн зохицуулах хорооны орон тооны бус гишүүнд Булганы Саруулыг томилуулахыг гишүүдийн 77.8 хувь нь, Лувсандоржийн Сонорыг томилуулахыг гишүүдийн 66.7 хувь нь, Шагдаржавын Хандсүрэнг томилуулахыг гишүүдийн 72.2 хувь нь дэмжсэн юм.

Харин бүрэн эрх нь дууссантай холбогдуулан Баасанжавын Батхишиг, Нямдэлэгийн Мандуул, Баярсайханы Баярдаваа нарыг Санхүүгийн зохицуулах хорооны орон тооны бус гишүүний үүрэгт ажлаас чөлөөлөхийг гишүүдийн олонх дэмжсэн байдаг.

Тэгвэл чуулганы нэгдсэн хуралдаанд оролцсон нийт гишүүдийн 41.1 хувь нь Л.Сонорыг дэмжихээс татгалзсан бол Б.Саруул, Ш.Хандсүрэн нарыг СЗХ-ны орон тооны бус гишүүнээр томилохыг дэмжлээ.