Аж ахуйн нэгж байгууллага, иргэдэд олгосон нийт зээлийн өрийн үлдэгдэл өнгөрсөн оны эцэст 37.0 их наяд төгрөг болжээ. Энэ нь өмнөх сараас 1.2 их наяд төгрөг буюу 3.3 хувь, өмнөх жилээс 9.7 их наяд төгрөг буюу 35.3 хувиар өссөн дүн юм. Нийт зээлийн өрийн үлдэгдлийн 61 хувь нь иргэд бол 36.5 хувь нь хувийн байгууллагынх эзэлж байна. Мөн 1.2 хувь нь төрийн байгууллага, 1.2 хувь нь санхүүгийн байгууллага тус тус эзэлж байна.

Зээлийн өрийн үлдэгдлээс харвал, иргэдийн зээл аж ахуйн нэгжүүдийнхээс өндөр байна. Иргэдийн авсан зээл 2016-2024 оны хооронд 8 жилийн хугацаанд 286 хувиар өссөн дүнтэй байгаа юм.