УИХ-ын тухай хуулийн 41 дүгээр зүйлийн 41.9-д "Хэрэв УИХ-ын гишүүний бүрэн эрх нь дууссанаас хойш ажил эрхлээгүй бол 12 сарын цалинтай тэнцэх хэмжээний тэтгэмж, мөн бага цалинтай ажилд орсон тохиолдолд зөрүүг нь тэтгэмж хэлбэрээр олгоно" гэж заасан нь ил болж, олны шүүмжлэлийг дагуулаад байгаа билээ.
Энэ заалт бүхий хуулийг УИХ-ын гишүүн Г.Тэмүүлэн нарыг санаачилсан гэх мэдээлэл цацагдсан. Тэгвэл энэ талаар өөрөөс нь тодрууллаа. Тэрбээр "Бүрэн эрх нь дуусаад ажил хийгээгүй гишүүдэд ТЭТГЭМЖ олгох заалтыг намайг оруулсан мэтээр гүтгэж байна. Харин энэ заалтыг хасуулах хуулийн төслийг дэмжиж ажиллана" гэсэн юм.
