Цахим орчинд түгээсэн бичлэгүүдээрээ олны анхаарлыг татсан удган Б.Юмжирдуламыг СЭМҮТ-д хэвтүүлсэн бол ээжийг нь Хөвсгөл аймгийн нэгдсэн эмнэлгийн хяналтад авсан байна.

Албаны эх сурвалжийн мэдээлж буйгаар дээрх иргэд нь удаа дараа цахим орчинд ёс бус үг хэллэг хэрэглэсэн бичлэг нийтэлдэг байсан бөгөөд тэдгээрийн сэтгэцийн эрүүл мэндийн байдлыг тогтоохоор Хөвсгөл аймгийн Цагдаагийн газар, аймгийн Нэгдсэн эмнэлгээс хамтарсан баг гарч дээрх иргэдийн сэтгэц, биеийн байдалд үнэлэлт дүгнэлт өгөх, холбогдох хууль тогтоомжийн хүрээнд тодорхой арга хэмжээ авч ажиллахаар болжээ.