Шинэ он айсуй. Удахгүй монголчууд хуучин оноо үднэ. Улиран одож буй 2024 онд 53.6 мянган хүүхэд мэндэлжээ. Энэ жилийн хувьд хөвгүүдэд Хангай, Түшиг, Тогтуун, Эрхэс зэрэг нэрс түгээмэл өгсөн бол охид Амин-Эрдэнэ, Анхилуун, Сондор, Мишээл, Аялгуу зэрэг нэрс түгээмэл байжээ. Тэгвэл өнгөрсөн жил буюу 2023 онд хөвгүүд Хангай, Тэнүүн, Ананд, Эрхэс, Түшиг нэрс түгээмэл байсан бол охид Амин-Эрдэнэ, Мишээл, Сондор, Эгшиглэн, Анхилуун нэрс түгээмэл байжээ. Нэг үгээр хэлбэл, шинээр мэндэлсэн хүүхдүүдийн дунд хөвгүүдээс Түшиг, Эрхэс нэр, охидын дунд Амин-Эрдэнэ, Анхилуун, Мишээл зэрэг нэр хамгийн их давтагдсан буюу "трэнд" хэвээрээ байна.
