Яаралтай тусламж үзүүлэхээр явж байсан түргэн тусламжийн машин осолдож, эмч нь гэмтсэн талаар бид өмнөх мэдээллээрээ хүргэсэн.

Тэгвэл цагдаагийн байгууллагаас тодруулахад "Өчигдөр буюу энэ сарын 29-ний 17:30 цагийн орчимд ЧД-ийн зургаадугаар хороо, Баянбүрдийн тойрог орчимд түргэний машиныг мөргөснөөс эмнэлгийн байгууллагын ажилтан гэмтсэн гэх зам тээврийн осол бүртгэгдсэн.

Шалгалтын явцад эмнэлгийн шуурхай тусламжийн машинд явсан эмнэлгийн ажилтан гэмтэж тусламж үйлчилгээ авч байна. Одоогоор ослын шалтгаан нөхцлийг тогтоохоор шалгалтын ажиллагаа үргэлжилж байна" гэлээ.