УИХ-ын чуулганы ээлжит хуралдаан үргэлжилж байна. Хуралдаанаар Орано майнинг компанитай байгуулах хөрөнгө оруулалтын гэрээний төслийг танилцуулга, мөн стратегийн төрийн эзэмшлийн ордыг, 34 хувийг АМНАТ-аар орлуулах их хурлын тогтоолын төслийг хэлэлцэж байгаа юм. Энэ үеэр УИХ-ын гишүүн О.Батнайрамдал "2013 оны Ерөнхийлөгчийн сонгуулиар явж байсан Оюутолгойн 34 хувийг 51 хувь болгож, өгөөжийг нэмэгдүүлнэ гэх алдаатай ойлголтоор ард түмний толгойг эргүүлнэ гэж байхаа больсон шүү, С.Ганбаатар гишүүн ээ. Илүү боловсролтой туршлагатай хандах ёстой шүү" гэв.