УИХ-ын даргын 2024 оны 114 дүгээр захирамжаар байгуулагдсан Боловсролын ерөнхий хуулийн хэрэгжилттэй танилцах, бүх шатны сургуулийн багшийн хомсдолыг бууруулах, үнэлэмжийг дээшлүүлэх болон төрийн өмчийн ерөнхий боловсролын сургуулийн менежментийг сайжруулах асуудлыг судалж, санал, дүгнэлт боловсруулах үүрэг бүхий ажлын хэсэг өнөөдөр /2024.12.18/ хуралдлаа.

Энэ үеэр УИХ-ын гишүүн Ж.Галбадрах "Багш мэргэжилтний хүрэлцээ хэр байгаа вэ. Тэтгэвэрт гарсан, төгсөх курсийн оюутан аль эсвэл мэргэжлийн бус хүнээр хөрвүүлж ажиллуулна гэхийн оронд багш мэргэжлээр элсэх оюутнууддаа анхаармаар байна" хэмээн тодрууллаа.

Түүний асуултад БШУ-ны сайд П.Наранбаяр "Улсын хэмжээнд мэргэжлийн багшаар бүрэн хангагдсан сургууль ердөө 22 хувьтай байна" гэв.