Улсын хэмжээнд Санхүүгийн зохицуулах хороонд бүртгэлтэй 555 банк бус санхүүгийн байгууллага үйл ажиллагаа явуулж байна. Мөн тэдгээрийн 484 салбар бүртгэлтэй байгаа юм. Энэ нь өмнөх оны мөн үетэй харьцуулахад 6.5 хувиар өссөн үзүүлэлт болохыг Санхүүгийн зохицуулах хороо мэдээлжээ. Тус хорооны энэ оны гуравдугаар улирлын тайланд дурдсанаар, улсын хэмжээнд 18-64 хүртлэ насны 100 мянган хүн тутамд 53 ББСБ, 1000 аж ахуй нэгжид 11 ББСБ ногдож байна. Энэ үзүүлэлт нь Улаанбаатар хотод илүү өндөр дүнтэй байгаа юм.

Нийслэлд 100 мянган иргэн тутамд 80 ББСБ, 1000 аж ахуйн нэгжид 11 ББСБ ногдож байна. Мөн хотод нэг хүн ББСБ-д дунджаар 2.5 сая төгрөгийн зээлтэй бол орон нутагт 1.8 сая төгрөгийн зээлтэй байна.