Томуугийн эсрэг дархлаажуулалтын явц орон нутагт 77.8, нийслэлд 73.3 хувьтай үргэлжилж байна.
Эрүүл мэндийн яамнаас мэдээлснээр Өвөрхангай аймагт дархлаажуулалт 106.1 хувь байгаа нь аймгуудын хэмжээнд хамгийн өндөр үзүүлэлт болж байна. Харин нийслэлийн Налайх дүүрэгт 86.9 хувьтай үргэлжилж байгаа юм. 
Томуугийн эсрэг 3 цэнт вакцин нь томуугаас бүрэн хамгаалахгүй бөгөөд нэгэнт туссан тохиолдолд хүндрэлээс сэргийлнэ хэмээн эмч, мэргэжилтнүүд хэлж байв. 
Уг вакциныг хийлгэснээс хоёр долоо хоногийн дараагаар хүний биед дархлаа тогтдог.