МҮХАҮТ-ын Ээлжит бус XXII Их хурал маргааш буюу арваннэгдүгээр сарын 28-нд болно. Тус хуралдаанаар танхимын шинэ Ерөнхийлөгчийг сонгох нөхөн сонгууль явагдана. Үүнтэй холбоотойгоор, МҮХАҮТ-ын Гүйцэтгэх захирал Т.Дүүрэн өөрийн цахим хуудсаараа дамжуулан "Намайг үндэслэлгүй хэргээр гэнэт дуудаж 30 хоног таслан хорихоор боллоо" гэж мэдэгдсэн. Энэ талаар УИХ-ын гишүүн Д.Энхтүвшин, "Хэрвээ энэ үйлдэл МҮХАҮТ-ын Ерөнхийлөгчийн нөхөн сонгуультай холбоотой бол ноцтой асуудал байна" гэж өөрийн байр сууриа илэрхийлсэн байна.