Улаанбаатар өвөлдөө хамгийн том "мөсөн талбай" болж, олон хүний эрүүл мэнд, амь насанд заналхийлсээр удаж буй. Энэ жил мөн адил уран гулгалтын улирал эхэлсэн энэ өдрүүдэд пингвин алхалтаар алхахыг эрүүл мэндийн яамнаас зөвлөж байна. Энэ зөвлөгөө бол наргиа биш. Өөрөөр хэлбэл, хэчнээн яарсан ч жижиг алхмаар удаан явах нь хамгийн сонгодог арга болж байна.

Мөн зөөлөн резинэн ултай эсвэл халтиргаанаас хамгаалсан ултай өвлийн гутал өмсөхийг зөвлөсөн бөгөөд албан байгууллагууд ойр орчмынхоо цас, мөсийг цэвэрлэхийг санууллаа.