Ерөнхийлөгч У.Хүрэлсүх 2025 оны төсвийн тухай хуульд бүхэлд нь хориг тавьсантай холбоотойгоор Сангийн сайд Б.Жавхлан мэдээлэл өглөө. Тэрбээр "Энэ жилийн нэмэгдэж байгаа төсвийн 60-70 хувь нь хуулийн дагуу нэмэгдэж буй урсгал зардлууд байгаа. Тухайлбал, үнийн өсөлт инфляцтай уялдуулан нэмэх цалин, тэтгэврийн нэмэгдэл бий.

Мөн шүүмжлэл дагуулаад байсан Соёлын яамны ваучер, гадаад томилолтын зардал зэрэг нь алдагдалгүй төсөв батлахад маш бага нөлөө үзүүлнэ. Гэхдээ Ерөнхийлөгчийн хоригийг УИХ хүлээж авна гэж бодож байна. Засгийн газар "ЭЕРЭГ"-ээр хүлээж авч санаачлагатай ажиллана" гэлээ.