УИХ-ын Аюулгүй байдал, гадаад бодлогын байнгын хорооны хуралдаанаар Цөмийн энергийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийн анхны хэлэлцүүлгийг хийв. Энэ үеэр УИХ-ын гишүүн П.Сайнзориг байр сууриа илэрхийллээ. Тэрбээр,

"Хуулийг зарчмын хувьд дэмжиж байгаа. Бид өнөөдөр "Алтан дээр суусан гуйлгачин" гэгчээр ШУ-д итгэх үү, хоосон зөн билэгтээ итгэх үү гэдгийг ярилцаж байна. Зарим УИХ-ын гишүүд Ард түмний төлөө гэх нэрийн дор өндөр ашиг олох нэрийдлээр өндөр татвар тогтоовол Монголоос хөрөнгө оруулалтууд ЗУГТАНА" гэв.