ЦХИХХ-ны сайд Ц.Баатархүү өнөөдөр дараах мэдээллийг өглөө. Тэрбээр:
Интермед эмнэлэг мэдээлэл хариуцагч байгууллагын хувьд нэг зүйл дээр технологийн алдаа хийсэн. Үндсэн веб сайт, серверээ нэг дор байршуулсан. Кибер халдлагатай тэмцэх нийтийн төвөөс урьдчилж тус эмнэлэгт анхааруулж байсан. Гэтэл кибер халдлага хол байгаа гэж бодтол дэргэд нь байсан. Аравдугаар сарын 23-нд эхний хортой код нэвтэрсэн юм байна лээ. Дүгнэлтүүд ар, араасаа гарч байна. Нэг зүйл маш тодорхой байгаа нь хакердсан этгээдүүд төлбөр нэхдэг. Төлбөр өгвөл файлыг заавал ил болгодоггүй. Интермед эмнэлэгт халдсан багийг судлаад үзэхэд Европын хэд, хэдэн орны маш олон эмнэлэгт халдсан байсан.
Интермед эмнэлгийн өвчтөнүүдийн мэдээллийг хакердсан этгээдүүд 50 мянган ам.доллар нэхсэн асуудлыг ТЕГ шалгаж байна.
