"МEC" судалгааны байгууллагаас аравдугаар сарын улс төрийн барометр судалгааны дүнг танилцууллаа. "МEC" судалгааны байгууллагаас Улаанбаатар хот болон хөдөө орон нутагт оршин суудаг сонгуулийн насны 1750 иргэнээс санамсаргүй түүвэрчлэлийн аргаар цуглуулжээ.
Судалгааны дүнгээр Ерөнхийлөгч У.Хүрэлсүхийн рейтинг өнгөрсөн сараас буурч 5.2 хувь болжээ. Тодруулбал, есдүгээр сарын судалгааны дүнгээр Ерөнхийлөгч У.Хүрэлсүхийн рейтинг өсч 5.4 хувьтай гарсан юм. Аравдугаар сарын судалгааны дүнгээр, оролцогчдын 23 хувь нь "Шударга" гэж дүгнэсэн ч түүнээс илүү буюу 26 хувь нь "Ажлаа хийж чадахгүй байна", 25 хувь нь "Худлаа попордог", 18 хувь нь "Хариуцлагаас зугтдаг" гэж дүгнэжээ.
