Уул уурхай олборлолтын салбарт ажиллагчдын сарын дундаж цалин 5.1 сая төгрөг байна. Энэ нь бусад салбарынхаас хамгийн өндөр байгааг Үндэсний статистикийн хороо мэдээлэв. Мөн олон улсын байгууллага, суурин төлөөлөгчийн газарт ажиллагсдын цалингийн сарын дундаж нь 5 сая төгрөг байна. Харин зочид буудал, байр, нийтийн хоолны үйлчилгээний салбарын ажиллагсдын сарын дундаж цалин 1.5 сая төгрөг байгаа юм.

Статистик мэдээллээс харвал сарын дундаж цалин нь 3-5 сая төгрөгийн хооронд байгаа ажиллагсдыг салбараар нь харвал уул уурхай, олон улсын байгууллагаас гадна цахилгаан хий, уур, агааржуулалт, санхүүгийн болон даатгалын үйл ажиллагаа зэрэг салбар багтаж байна.