УИХ дахь Ардчилсан намын бүлгээс зохион байгуулсан "Шинэ эдийн засаг- Монголд худалдааны хууль хэрэгтэй юу" хэлэлцүүлэгт худалдаа, үйлчилгээний салбарын төлөөллүүд байр сууриа илэрхийлж, асуудлаа ярилаа.

Энэ үеэр МҮХАҮТ-ын дэргэдэх Хууль зүйн бодлогын зөвлөлийн дарга Ө.Жамбалсүрэн "УИХ-аас гаргаж байгаа хууль бүр бизнесийг үүрэгжүүлсэн, шийтгэх тухай байсаар ирсэн. Монгол Улсад үйлчилж байгаа 800 гаруй хуулийн дийлэнх олонх нь бизнес эрхлэгчдэд үүрэг хүлээлгэсэн хариуцлага ногдуулсан хууль байгаа. Худалдааны хуулийг өргөн бариад 9 жил болсон ч шийдэгдсэн асуудал алга" гэв.