Аж үйлдвэр, Эрдэс баялгийн сайд Ц.Туваан өчигдөр ОХУ-ын төлөөлөгч нартай уулзаж цаашдын геологийн судалгаа, хамтын ажиллагааны талаар санал солилцжээ. Тус улсын “Зарубежгеология” компанийн ерөнхий захирал А.С.Десяткин, Худалдааны төлөөлөгч Максим Викторович Васильев нар эл уулзалтад оролцох үеэр Аж үйлдвэр, Эрдэс баялгийн яамтай геологийн салбарт хамтран ажиллах сонирхолтой байгааг илэрхийлжээ. Энэ үеэр “Зарубежгеология” компанийн зүгээс Монгол Улсад төлөөлөгчийн газраа байгуулах, мөн хил орчмын бүс нутгуудад геологийн судалгааны ажил хийх, хамтран ажиллах сонирхолтой буйгаа дурджээ.
Аж үйлдвэр, Эрдэс баялгийн сайд Ц.Туваан ОХУ-ын Байгалийн нөөц, экологийн сайд А.А.Козловын Монголд хийсэн айлчлалын үеэр тодорхой асуудлууд яригдсаныг дурдаад, тус компанийн Монгол Улсад төлөөлөгчийн газар байгуулах асуудлыг “Нэг цонхны бодлого”-ын хүрээнд ГХЯ-тай хамтран ярилцахаа онцлон тэмдэглэсэн юм. Энэхүү уулзалтад Монголын талаас Аж үйлдвэр, Эрдэс баялгийн сайд Ц.Туваан болон , Засгийн газрын Ахлах референт Н.Буяндэлгэр, Аж үйлдвэр, Эрдэс баялгийн яамны ГТБГ-ын дарга Б.Анхбаяр, ГБГ-ын дарга Х.Санчигдорж, ГХАХ-ийн ахлах мэргэжилтэн Б.Батцэцэг нар оролцсон юм.
Сэтгэгдэл (1)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!