УИХ-ын ээлжит бус чуулганыг ирэх баасан гараг буюу энэ сарын 30-ныг хүртэл сунгаж хуралдуулахаар болсон талаар бид өмнөх мэдээллээрээ мэдээлсэн билээ.
Тэгвэл маргааш буюу даваа гарагт хуралдах чуулганы нэгдсэн хуралдаанаар:
-Монгол Улсын нэгдсэн төсвийн 2024 оны төсвийн хүрээний мэдэгдэл, 2025-2026 оны төсвийн төсөөллийн тухай хуульд өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд /Засгийн газар 2024.08.12-ны өдөр өргөн мэдүүлсэн, анхны хэлэлцүүлэг, үргэлжилнэ/
-Монгол Улсын 2024 оны төсвийн тухай хуульд өөрчлөлт оруулах тухай, Үндэсний баялгийн сангийн 2024 оны төсвийн тухай хуулийн төслүүд /Засгийн газар 2024.08.12-ны өдөр өргөн мэдүүлсэн, хоёр дахь хэлэлцүүлэг, үргэлжилнэ/
-Монгол Улсын 2024 оны төсвийн тухай хуульд өөрчлөлт оруулах тухай хуулийн төсөлтэй хамт өргөн мэдүүлсэн хууль, тогтоолын төслүүд /Засгийн газар 2024.08.12-ны өдөр өргөн мэдүүлсэн, анхны хэлэлцүүлэг, үргэлжилнэ/-ийг хэлэлцэхээр төлөвлөсөн байна.
Сануулахад, баасан гарагт болсон хуралдааны үеэр УИХ-ын гишүүн Г.Тэмүүлэн Төсвийн тогтвортой байдлын тухай хуулийн өөрчлөлтийг дэмжихгүй байгаагаа илэрхийлж, Сангийн сайд Б.Жавхлан нарын хооронд маргаан дэгдсэн. Улмаар УИХ дахь МАН-ын бүлгийн дарга Л.Мөнхбаатар "Байр сууриа нэгтгэж, нэгдсэн ойлголтод хүрэх шаардлагатай байгаа учраас завсарлага авъя" гэх хүсэлтийг гаргасан.
УИХ-ын дарга Д.Амарбаясгалан уг хүсэлтийг хүлээн авч даваа гарагийн 10:00 цаг хүртэл завсарлага өгсөн юм.
Сэтгэгдэл (4)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!