Сүхбаатар дүүргийн 1 дүгээр хороо, Г.Чагдаржавын гудамж /Энхтайваны өргөн чөлөөнөөс Элчингийн гудамж хүртэлх/ авто замын засвар, шинэчлэлтийн ажлыг өнөөдөр буюу энэ сарын 24-ний 23:00 цагаас даваа гараг буюу 26-ны 06:00 цагийн хооронд хааж, засварлах гэж байна.

Тус ажлын хүрээнд инженерийн шугам сүлжээний худгийн тагийг асфальтбетон хучилтын түвшинд тааруулах, тэмдэг тэмдэглэгээ, авто замын зорчих хэсгийн асфальтбетон хучилтын ажил хийгдэнэ.

Иймд иргэд, жолооч та бүхэн бусад замыг сонгон хөдөлгөөнд оролцоно уу.