УИХ-ын ээлжит бус чуулган өнөөдөр үргэлжилж, үдээс хойшх хуралдаанаар Монгол Улсын нэгдсэн төсвийн 2024 оны төсвийн хүрээний мэдэгдэл, 2025-2026 оны төсвийн төсөөллийн тухай хуульд өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд, Монгол Улсын 2024 оны төсвийн тухай хуульд өөрчлөлт оруулах тухай хуулийн төслүүдийн анхны хэлэлцүүлгийг эхлүүлсэн.
Хэлэлцүүлгийн үеэр УИХ-ын гишүүн Г.Тэмүүлэн "Та бүхнээсээ хичээнгүйлэн гуйя. Кнопондоо битгий гар хүрээрэй. Энэ асуудал бол улс орны чинь аюулгүй байдалтай хамааралтай шүү" гэж гишүүдэд хандан үг хэлэв.
Энэ талаар УИХ-ын гишүүн Л.Мөнхбаясгалан цахим хуудаснаа "Хэл ам татлаад байсан Төсвийн тогтвортой байдлын тухай хуульд оруулах гэж байсан нэмэлт өөрчлөлтийг УИХ-ын гишүүд дэмжсэнгүй, унагав. Хуулийн төслийг буцаах саналыг УИХ-ын гишүүн Б.Жаргалан, Г.Тэмүүлэн нар гаргасныг дэмжив. Санал хураахын өмнө УИХ-ын гишүүн Г.Тэмүүлэн гишүүдийг кнопдоо хүрэхгүй байхыг уриалсан юм. МАН завсарлага авлаа" гэжээ.
Сэтгэгдэл (2)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!