УИХ-ын Төсвийн байнгын хороо хуралдаж, /Төсвийн зарлагын хяналтын дэд хорооны даргыг сонгох тухай/ тогтоолын төслийг хэлэлцэж байна. Хэлэлцэж буй асуудалтай холбоотойгоор УИХ-ын гишүүн Б.Энхбаяр "Цөөнх гэж заасан хуулийн этгээд нь өөрөө засгийн газрыг бүрдүүлж буй олонх болчхоод байна. АН-ын даргын хэрэгжүүлсэн 40 тэрбум долларын төсвийг АН-ын гишүүн хянана гэж байхгүй. ХҮН намын даргын хэрэгжүүлж байгаа 15 тэрбум долларын худалдан авалтыг ХҮН намын төлөөлөл хянана ч гэж байж болохгүй" гэв.