УИХ-ын ээлжит бус чуулган үргэлжилж байна. ЗГ-ын 2024-2028 оны үйл ажиллагааны хөтөлбөрийг хэлэлцэж байна. Энэ үеэр УИХ-ын гишүүн Н.Алтанхуяг Ерөнхий сайд Л.Оюун-Эрдэнэ нарын хооронд дараах яриа өрнөсөн юм.

УИХ-ын гишүүн Н.Алтанхуяг "Гурван нам хамтарч засаг барьж эхэллээ гэж байна. Сонгогчдод нэг зүйл амлачхаад танхимд орж ирээд өөр юм ярьдаг байж болохгүй" гэв.

Ерөнхий сайд Л.Оюун-Эрдэнэ "Хоёр үзүүртэй зүү шиг зүйл ярьдаг байж болохгүй. Та С.Баяр, С.Батболд даргатай ч хамтарч засаг байгуулж байсан. “Миний үед болно. Л.Гантөмөрийн үед болохгүй” гэх хандлагаа та өөрчил" гэлээ.