УИХ-ын Анхдугаар чуулганы нэгдсэн хуралдаан үргэлжилж байна. Хуралдаанаар зарим байнгын хороодын бүрэлдэхүүнд өөрчлөлт оруулж, Байнгын хороодын дарга нарыг томиллоо.

Тодруулбал, УИХ-ын гишүүн С.Одонтуяа, Б.Чойжилсүрэн нарыг Аж үйлдвэржилтийн байнгын хорооны, С.Бямбацогтыг УИХ-ын Аюулгүй байдал, Гадаад бодлогын байнгын хорооны, Г.Тэмүүлэнг УИХ-ын БОХХААБХ-ны, Ж.Галбадрахыг Ёс зүй, дэгийн байнгын хорооны, С.Амарсайхан, Ч.Ундрам нарыг УИХ-ын Төсвийн байнгын хорооны, Б.Жавхланг УИХ-ын Төрийн байгуулалтын байнгын хорооны, Б.Дэлгэрсайхан, Б.Тулга, Ж.Энхбаяр нарыг УИХ-ын Хууль зүйн байнгын хорооны, Ж.Батсуурь, Ж.Бат-Эрдэнийг УИХ-ын ЭЗБХ-ны бүрэлдэхүүнээс чөлөөллөө.

Мөн УИХ-ын гишүүн П.Сайнзориг, Г.Тэмүүлэн нарыг Аюулгүй байдал, гадаад бодлогын байнгын хорооны, Ж.Галбадрах, Ч.Ундрам нарыг УИХ-ын Инновац, цахим бодлогын байнгын хорооны, Ж.Бат-Эрдэнийг Төрийн байгуулалтын байнгын хорооны Б.Энхбаярыг Хууль зүйн байнгын хорооны гишүүнээр, мөн Б.Жавхлан, С.Цэнгүүн нарыг ЭЗБХ-ны гишүүнээр тус тус баталлаа.