Налайх, Тэрэлж, Улиастай, Гачуурт чиглэлд түр зуурын хүчтэй аадар бороо орж болзошгүй байгааг ЦУОШГ-аас мэдээллээ. Иймд энэ чиглэлд зорчиж байгаа иргэд аюулгүй байдлаа хангахыг онцгой байдлын газраас сэрэмжлүүлж дараах зөвлөгөөг өглөө.

• Үерийн аюултай бүсээс хол, аюулгүй газарт байрлах
• Орон сууцны хорооллын граж, В1 давхрын руу ус орохоос сэргийлэн хамгаалалт татах
• Үерийн аюулаас гэр орон, эд хөрөнгө, ундны усны нөөц худгаа хамгаалах далан, суваг, шуудуу, хашлага барих
• Хүүхдийг гол мөрөн, нуур, тогтоол ус, цөөрмийн ойролцоо тоглуулахгүй байх
• Гол, мөрөн нуурын ойролцоо амарч зугаалахдаа сонор, сэрэмжтэй байж, уулын ам, голын ай сав, үерийн буулт бүхий газарт отоглож, хоноглохгүй байх
• Зөвхөн баталгаат зам гүүрээр зорчихыг зөвлөж байна.