Баянзүрх дүүргийн 26,36 дугаар хорооны удирдлага, иргэдийн нэгдэж гарын үсгээ цуглуулан Улаанбаатар хотын хөгжлийн бодлого эрхэлсэн Түр хорооны дарга, Баянзүрх дүүргээс сонгогдсон УИХ-ын гишүүн Э.Бат-Амгаланд "Дүнжингарав" худалдааны төвийн урд замыг засварлах биш өргөтгөх, орц гарцыг чөлөөлөх, нэвтрэх урсгалыг нэмэгдүүлэх талаар шаардлага хүргүүлсэн.

Шаардлагын дагуу УИХ-ын гишүүн Э.Бат-Амгалан, холбогдох нийслэл дүүргийн удирдлагууд газар дээр нь ажиллаж иргэд, аж ахуйн нэгжүүдтэй уулзаж санал солилцлоо. Энэ үеэр

- Дүнжингарав худалдааны төвийн зүгээс өөрийн эзэмшлийн талбайгаас 6-12 м татаж чөлөөлөх боломжтой талаар хэллээ.

- Нийслэл, дүүргийн зүгээс хэрвээ газар чөлөөлсөн тохиолдолд дулааны улиралдаа багтаан шаардлагатай зам өргөтгөх, явган зам гэрэлтүүлгийн цогц ажлыг хийхээр боллоо.

- Нэвтрэх урсгалыг нэмэгдүүлэх ажлын хүрээнд шинэ зуун айлын баруун талаар нүхэн гарцыг хугацаа алдалгүй ашиглалтад оруулахаар боллоо.