УИХ-ын чуулганы нэгдсэн хуралдаан үргэлжилж байна. Хуралдааны эхэнд УИХ-ын гишүүн, ХХААХҮ-ийн сайд Х.Болорчулуун "Оюу толгой" компанийн асуудлаар байр сууриа илэрхийлж, үг хэлсэн юм. Тэрбээр,

"Монголд бүртгэлтэй "Оюу толгой" гэж даварсан компани байна. Монголын баялгийг цөлмөж, дээрэмдэж байгаа. Борлуулсан алт, зэснийх нь үнэ Монголын "МАК"-аар дамждаггүй. Мөн Монголын баялаг болсон ажилчдын цалинг олигтойхон өгөхөөс татгалздаг компани байна. Ил уурхайн ажилчид нь ажлаа зогсоогоод 2-3 хоносон. Яагаад гэвэл монгол ажилчдын нэмэгдэл цалинг хассан байна лээ. Баялгийг нь цөлмөхөөс гадна монгол ажилчдын хөдөлмөрийн үнэлэмжийг дорд үзэж байна" гэх байр суурийг илэрхийллээ.